K čitarjam wosobinski kontakt nawjazali

Freitag, 15. März 2019
Artikel bewerten
(0 Stimmen)
Po přednošku a diskusiji wo Serbskich Nowinach listowachu přitomni w staršich eksemplarach dźenika z lěta 1967, 1980, 1989 a 1991.  Foto: SN/Hanka Šěnec Po přednošku a diskusiji wo Serbskich Nowinach listowachu přitomni w staršich eksemplarach dźenika z lěta 1967, 1980, 1989 a 1991. Foto: SN/Hanka Šěnec

Pančicy-Kukow (SN/BŠe). Zasada Serbskich Nowin je, ludźi we formje powěsćow, reportažow, interviewow, dopisow a pokiwow informować. To wuzběhny wčera šefredaktor dźenika Janek Wowčer na čitarskej rozmołwje w Pančičansko-Kukowskej „Karstenowej piwowej stwičce“, na kotruž bě tamniša Domowinska skupina přeprosyła. Něhdźe 25 zajimcam šefredaktor rozłoži, kak wšědny wječornik nastawa. Runje tak skedźbni wón na starosće, z kotrymiž so redaktorojo bědźa. Tak pobrachuje žurnalistiski dorost, kwalita zapodatych přinoškow woteběra a datowy škit wosebje nastupajo fota je wobćežny. Hladajo na razantne wuwiće digitalnych medijow je ćežko konkurencykmany wostać. „Přiwšěm zhladujemy na wobstajnu ličbu něhdźe 1 700 abonentow“, Wowčer rjekny.

Pančičan Alfons Kuring měnješe, zo mě­li Serbske Nowiny bóle za sebje wabić.­ Skerje je starši hač młódši ludźo čitaja, štož je jara škoda. „Mnozy maja serbsku nowinu za samozrozumliwu, ale njewědźa, kelko dźěła za tym tči“, wón rozłoži.

Veröffentlicht in Medije
Bitte anmelden, um einen Kommentar zu posten

Serbska debata

Neuheiten LND