Zrěčenje klětu wuběži, kubłanski poskitk pak chcedźa dale spřistupnić
Budyšin/Lipsk (SN/bn). Sakski wukubłanski a wupruwowanski kanal (SAEK) je so w minjenymaj lětdźesatkomaj zaměrnje wo wutworjenje medijoweje kompetency postarał. Iniciator projekta bě Sakski krajny wustaw za priwatny rozhłós a nowe medije (SLM), kotryž zdobom dźěl financowanja zamołwja. Wjetšinu budgeta pak zaručeja priwatni abo połstatni partnerojo kaž na přikład MekoSax twzr w Budyšinje. Nětko su wjacore medije rozprawjeli, zo njebudźe SAEK, znajmjeńša nic w dotalnej formje, dale wobstać. Potrjechene su wšitke wosom krutych stejnišćow kaž tež mobilny poskitk w swobodnym staće.
