„My dyrbimy dale serbsce wusyłać!“

Dienstag, 18. Oktober 2022
Artikel bewerten
(1 Stimme)
 Helmut Rychtar †  Foto:  Monika Gerdesowa Helmut Rychtar † Foto: Monika Gerdesowa

Dołholětny nawoda Serbskeho rozhłosa a MDR-studija Budyšin, Helmut Rychtar, je w starobje 80 lět dnja 10. oktobra 2022 zemrěł. Wosobinsce sym jeho 1989 ze­znała, hdyž buch jako młoda njenazhonita žurnalistka hišće za čas natwara studija w Budyšinje pola Serbskeho rozhłosa přistajena. Bě takrjec mój „rozhłosowy nan“, sym pola njeho žurnalistiske rjemjesło nawuknyła. Je nam młodym wjele přicpěwał, nas pohonjował a spěchował. Jeho credo rěkaše: Serbski rozhłós ma pomhać, serbšćinu skrućeć. Runje ­tohodla je so wo to postarał, zo so hornjoserbski radijowy program z Choće­buza do Budyšina přesydli, hdźež je reporter wosrjedź serbskorěčnych rumow, lóšo rozmołwnych partnerow namaka a hdźež je na tamnym boku lóšo, dalšich dorostowych rozhłosownikow zdobywać. Zdobom jara na to dźiwaše, zo namjezne ewangelske kónčiny njezabudźemy a zapřijamy: Wojerowsku a Slepjansku holu a ewangelski region wokoło ­Budyšina. Tam je nas reporterow wědomje pósłał.

Veröffentlicht in Medije
Bitte anmelden, um einen Kommentar zu posten

Serbska debata

Neuheiten LND