Worklečanscy koparscy přećeljo wróćichu so z prěnjeho cupa ,,Horce-wino“ w Biskopicach ze spokojacym 3. městnom. Hnydom tři nowopřichady běchu kader Viktorije Worklecy zesylni. A woni mějachu wulki podźěl na wuspěchu čornokošlatych. Ronny Wünsche a Šćěpan Herrmann šnórujetaj kopački hewak za ST Módro-běłych Njeswačidło; Měrćin Mark je stajny hrajer w mustwje starych knjezow Zeleno-běli Hórki.