FC Energija Choćebuz –

FC Augsburg 0:2 (0:0)

zestawa domjacych: Lotka – Erlein, Manu, Doumbia (56. Rorig), Borgmann - Michelbrink (84. Malone), Pelivan (70. Bogdanov) - Guttau, Kinsombi (56. Ciğerci), Copado – Hannemann (56. Butler)

wrota: 0:1 Kade (49.), 0:2 Jakic (90.+5)

přihladowarjo: 14.388

Přećiwo šestemu w tabulce prěnjeje zwjazkoweje koparskeje ligi předsezony wustupowaše nowačk druheje ligi z kuražu a pokaza swojim přiwisnikam „spektakl“. Dwójce mějachu fanojo FCE w prěnim połčasu wukřik wrotow na hubomaj, tola při pospytomaj Christiana Kinsombija (13.) a Morica Hannemanna (31.) falowaštej dokładnosć a přehlad we wotzamknjenju. Choćebuženjo drje hosći jedyn a druhi raz z wulkotnymi kombinacijemi překwapichu, ale jeničce narodny hrajer Awstriskeje Michael Gregoritsch měješe šansu (22.) na swójski wrotowy wuspěch.