Dr. Simon Brězan

Mittwoch, 19. April 2023
Artikel bewerten
(1 Stimme)
15. jutrownika 1998 zemrě dr. Simon Brězan. Wón bě nawoda referata za naležnosće Serbow w ministerstwje za wědomosć a wuměłstwo Swobodneho kraja Sakskeje. Narodźi so 31. januara 1958 jako jenički syn spisowaćela Jurja Brězana w Budyšinje. Wot 1978 do 1983 studowaše w Lipsku germanistiku. Po tym dźěłaše wosom lět jako literarny wědomo­stnik w Budyskim Instituće za serbski ludospyt. Bě tam redaktor Lětopisa, rjada D, za kulturu a wuměłstwo. Spisa swoje doktorske dźěło „Zwiski mjez němskim rozswětlerstwom a serbskim narodnym wozrodźenjom“. 1988 zakitowaše swoju disertaciju z predikatom „Magna cum laude“. Spisa rjad literarnowědomostnych přinoškow a literarne kritiki. Po towaršnostnym přewróće bu 1991 w sakskej statnej kencliji za serbske naležnosće přistajeny. Zdobom bě tež sobuzamołwity za wutworjenje Załožby za serbski lud jako zastupowacy sobustaw załožboweje rady a čłon załožboweje komisije. Dźěłaše sobu na nowym Serbskim zakonju Sakskeje.
Veröffentlicht in Spomnjeće
Mehr in dieser Kategorie: « Jan Krygaŕ « Maks Rječka
Bitte anmelden, um einen Kommentar zu posten

Serbska debata

Neuheiten LND