K. A. Mosak-Kłosopólski

Mittwoch, 02. August 2023
Artikel bewerten
(0 Stimmen)
31. pražnika před 125 lětami zemrě w Małej Swóńcy (Klein-Schweidnitz) pola Lubija justicny radźićel a rěčnik Korla Awgust Mosak-Kłosopólski. Jako syn kublerja a herbskeho sudnika narodźi so wón 7. meje 1820. Wón znowa załoži w Budyšinje towarstwo gymnaziastow Societas Slavica Budissinensis. W Lipsku studowaše prawnistwo, bě jurist a rěčnik pola Lubijskeho sudnistwa. Kupi sej knježi dwór w Małej Swóńcy. Nětko mjenowaše so kaž dźěd Mosak-Kłosopólski (Mosig von Aehrensfeld). W nekrologu za njeho rěkaše: „Jako wuznamny prawiznik zdoby sej sławne mjeno. Zakitowaše Serbow, serbski lud a jeho nawodow z wótrymi słowami a pjerom w zjawnosći, tak fararja Imiša-Hodźijskeho před kejžorskim sudnistwom w Lipsku přećiwo zasudźenju panslawizma dla. Maćicu Serbsku bě sobu załožił, před sudnistwom přećiwo zasudźenju zakitował, financnje podpěrał a 1889 bu čestny Maćicar. Njeboćički je swój narod swěrnje lubował a škitał.“ Jako student je 1842 w Lipsku Słowjanske towarstwo załožił a Šafarikowe dźěło „Słowjanske starožitnosće“ 1844 z čěšćiny do němčiny přełožił.
Veröffentlicht in Spomnjeće
Bitte anmelden, um einen Kommentar zu posten

Serbska debata

Neuheiten LND