HZ Łaz/Běły Chołmc –

SJ Chrósćicy II 3:0 (1:0)

Zestawa hosći: Kola – Lehmann, Materna (66. Mark), M. Donat, Dórnik, Domaška, Liznar, J. Donat, Budar (66. Špitank), M. Zahrodnik, Kř. Zahrodnik

Spočatk hry bě za Chróšćanow wjelelubjacy. W prěnjej mjeńšinje bě wysoka přihrawka přez zadni rjećaz Běłochołmčanow zlećała a Józef Donat běše prěni při bulu. Tola třělwu z kromy šěsnatki wrotar wotwobara. Hnydom po tym běchu domjacy wuspěšni. Třělwa z 23 metrow zjědźe wrotarjej Fabianej Koli z ruki a padny před nim na zemju. Přismalacy Běłochołmčan tutu móžnosć wuži a bul do saka stłóči (2.). Nětko přewzachu domjacy kontrolu nad hru. Běłochołmčenjo dźeržachu bul w swójskich rjadach a dachu hosći tam a sem běhać. Wosebje přez wysoke přihrawki na křidłomaj spytachu so stajnje zaso do strašnych conow předrěć. Chróšćenjo tute nadběhi wotwobarachu, tola při swójskich nadběhach bul přespěšnje zhubichu, tak zo zamóchu­ so lědma do přećiwneje połojcy předrěć. Wosebje běhanje bjez bula njefungowaše a tak bě Chróšćanski nadběhowar stajnje zaso sam na sebje po­kazany.