W Južnym Tirolu přewjedu nazymu wosebite zwěsćowanje ludu

Bolzano/Bozen (SN/MG). Nazymske ličenje ludu je jedyn ze zakładnych stołpow, kotryž zaruča status awtonomije regiona. „Chětro kompleksna tema to, kotraž je za mnohe mjeńšiny zawěsće njeznate postupowanje“, praji Hatto Schmidt, šefredaktor južnotirolskeho dźenika „Dolomiten“.

W Južnym Tirolu pak liča přiwisnikow mjeńšin w regionje. Status awtonomije mjenujcy je zaručeny w tak mjenowanym Gruber-Degasperi-zrěčenju z lěta 1946. Tute zrěčenje zaruča mjez druhim, na kotre wašnje so zjawne spěchowanske srědki rozdźěluja. W Južnym Tirolu je dohromady třoch rěčnych skupinow. Tak zwěsćichu w lěće 2011, jako posledni raz přiwisnikow skupinow ličachu, zo čuja so 69,41 procentow wobydlerjow němskej, 29,06 procentow italskej a 4,53 ­procentow ladinskej rěčnej skupinje přisłušni.

Lětsa w nazymje wupruwuja w Tirolu nimo toho nowy koncept ličenja: Zwěsćenje přiwisnikow rěčnych skupinow njeliča wjace w ramiku cyłkowneho censusa, ale separatnje, wšako liča cyłkownu ludnosć nětko běžnje z pomocu swojowólnych probow.