Załožba wozjewja dobyćerjow wubědźowanja wo ideje 2025
Budyšin (SN). Jury wubědźowanja „Rěč zwjazuje. Rěc zwězujo. Sorbisch verbindet. 2025“ je 17 idejow za myto wuzwoliła. To je Załožba za serbski lud wčera zdźěliła. Towarstwa, komuny, institucije, priwatne wosoby a druzy nošerjo smědźachu projektne ideje zapodać. 50 idejow je dóšło, z kotrychž je 12-čłonska jury njedawno dobyćerjow wuzwoliła. Załožba dowoli kombinaciju mytowanskich pjenjez z projektnym spěchowanjom. Na tute wašnje zmóžnja zwoprawdźenje wšěch projektow, kotrež je jury jako najlěpše posudźowała.
Sćěhowace projekty budu z mytom wuznamjenjene (hesła projektow a mjena po originalu ze zdźělenki załožby):
• Serbowaca zahrodka (serbska zakładna a wyša šula Radwor)
• SorbPOI – digitalny přewodnik po zajimawych městnach w serbskim sydlenskim rumje (Daniel Mirtschink, Słona Boršć)
• Nowostart! „Stara fara we Wjelikim Dobrynju/Groß Döbbern z. t., Kopańce
• beletristika za dorosćenych, kiž delnjoserbšćinu wuknu (Šarlota Kušcyc, Choćebuz)
