Serbska rada Sakskeje pyta nuznje wosobu za nowu jednaćelnju

Drježdźany (SN/mb). Na prěnim posedźenju serbskeje rady Sakskeje po prózdninach witaše předsyda gremija Dawid Statnik wčera prěni raz „ImAG“, zastupjerjow interministerielneje dźěłoweje skupiny. To je stab pomocnikow noweje społnomócnjeneje krajneho knježerstwa za serbske naležnosće, Franciski Brechoweje. Wona agěrowaše při kóždym dypku dnjoweho porjada tak suwerenje, kaž to wot jeje braniborskeho kolegi Tobiasa Dünowa znajemy, byrnjež statna sekretarka njebyła. Dawid Statnik pak dyrbješe so samo wo protokol starać, dokelž běše sobudźěłaćerka ministerstwa, kotraž hewak protokol pisa, w dowolu. A jednaćelnja rady hišće wobsadźena njeje.