ST Nadrózna Hrabowka
– ST Marijina hwězda 1:6 (0:3)
Zestawa hosći: Schmidt – Wróbl, Škoda, Jurš, R. Hawš (79. K. Pakoßnick), Peschmann, Kuring, O. Hawš, Rab, J. Pakoßnick (85. Winkler), Čornak
Mału seriju dobyćow we wokrjesnej lize chcyše koparske mustwo ST Marijineje hwězdy tež w Nadróznej Hrabowce dale wjesć. To so jemu tež zešlachći. 0:1 padny hižo w 13. min. Z wobhladanjahódnym dwójnym pasom přesadźištaj so w srjedźnym polu Jeffrey Rab a Richard Hawš. Naposledk mjenowany dyrbješe jenož hišće jednoho přećiwnika wuhrać a bul do wrotow sunyć. Štyri mjeńšiny pozdźišo pósła Rab ze superpasom Pakoßnicka, kiž trjechi 0:2 z mócnej třělwu (17.). Třeće wrota (22.) běchu wuslědk rjaneje kombinacije mjez Oskarom Hawšom a Falkom Peschmannom. Toho flanku je Pakoßnick swobodnje stejo jenož hišće do wrotow zhłójčkował.
