Čoło tabulki krajneje klasy
1. BSV 68 Sebnitz 6 20 :5 16
2. FSV Oderwitz II 5 15 : 8 13
3. SC Borea Drježdźany 5 22 : 7 12
4. TSV Rotacija Drježdź. 6 10 : 7 10
5. SJ Chrósćicy 5 7 : 4 10
6. Drohotka Ramnow 6 17 : 11 9
7. SV Wesenitzal 4 12 : 7 9
SJ Chrósćicy – SJ Weixdorf 1:1 (0:0)
Zestawa domjacych: Králíček – Mark, B. Cyž, Sentivan, L. Zahrodnik, Matješk (84. Zynda), G. Zahrodnik (90. Bogusz), M. Zahrodnik, F. Zahrodnik, Runt (80. Handrik), Vokáček
Na kermušnej njedźeli bě sportowa jednotka z Weixdorfa z hosćom w Chrósćicach. Domjacy chcychu seriju dobytych hrow dale wutwarić a tak na wukony zašłych tydźenjow nawjazać.
Hosćo wot spočatka kontrolu hry přewzachu. Woni pokazachu technisce dobru kopańcu a chcychu spěšnych nadběhowarjow wosebje přez centrum zasadźeć. Tak wuhrachu sej tež dobre šansy. Dwójce pak zamó Petr Králíček we wrotach domjacych nawjedowanju zadźěwać. Po spočatnych dobrych prěnich dwaceći mjeńšinach wuwi so poměrnje špatna hra. Partija wotmě so z wulkim dźělom mjez šěsnatkomaj. Wulke šansy so přihladowarjam njeskićachu.