28. Budyski měšćanski běh

Mittwoch, 05. Oktober 2022
Artikel bewerten
(0 Stimmen)
 Sportowy wučer Serbskeje wyšeje šule Worklecy Šćěpan Wjenka je w Budyšinje na čarje 5 km w starobnej klasy dobył.  Foto: Jörg Stephan Sportowy wučer Serbskeje wyšeje šule Worklecy Šćěpan Wjenka je w Budyšinje na čarje 5 km w starobnej klasy dobył. Foto: Jörg Stephan

Tónraz zaso wjele wobdźělnikow na Młynkec łuce w Budyšinje

Hižo mnohe lěta je Wjacesportowe zjednoćenstwo (MSV) Budyšin hłowny organizator jara woblubowaneho Budyskeho měšćanskeho běha, kotryž su mjeztym hižo 28. króć organizowali. Před dwěmaj lětomaj dyrbješe tute wurisanje korony dla wupadnyć.

Lětsa je so wšitko zaso derje poradźiło. Z běhomaj předšulskich dźěći, šulerjow, młodostnych a dorosćenych je so cyłkownje 1 631 atletow wuspěšnje wubědźowało. To běše zaso dosć naročna ličba porno 929 starteram loni, zdźěla hišće sylnje pod poměrami a wuskutkami korony. Snano so klětu zaso dotal najwyšej ličbje 2 000 wobdźělnikow do wudyrjenja pandemije bliža.

Šulerjo Budyskeje Serbskeje zakładneje kaž tež wyšeje šule su so znowa z brawuru wubědźowali. Z wobeju kubłanišćow steješe na lisćinach wuslědkow wjace hač 60 šulerjow a šulerkow. Nimo toho wobdźělichu so runje tak někotři atleća za swoje sportowe zjednoćenstwo, w kotrymž trenuja a so wubědźuja.

Najwuspěšniši na 0,8 km běchu:

U8 hólcy (77 w cilu): 14. městno Alexander Mohn (3:49 min), 16. městno Rafael ­Marko (3:53 min), a 21. městno Ben-Luca Krauß (3:56 min)

Veröffentlicht in Sport

Galerie

dalši wobraz (1) Serbska běharka Katarina Bejmakowa z Radworja
Bitte anmelden, um einen Kommentar zu posten

słowo lěta 2022

Anzeige