Susodny kraj Pólska přihotuje so na stotu róčnicu njewotwisnosće

Waršawa. Pólska hotuje so na 100. róčnicu wróćozdobyća njewotwisnosće, kotruž chcedźa klětu swjatočnje woswjećić. Za to ma knježerstwo hižo dosć idejow. Jedna z nich je referendum, z kotrymž měli wobydlerjo wo tym wothłosować, što chcedźa na wustawje změnić. Hdy a kak ma so referendum wotměć a wo kotre prašenja tam póńdźe, k tomu prezident Andrzej Duda dotal mjelči.