Rěčki a hrjebje wusaknjene

Freitag, 01. September 2017
Artikel bewerten
(0 Stimmen)

ZEMJA ZEŽIWJERKA mjenuje so programatisce najwjetša ratarska wustajeńca Čěskeje republiki. Jeje mjeztym 44. lětnik je so wot 24. do 29. awgusta w Českich Budějovicach wotměł a woprawdźity magnet był. Za njecyły tydźeń wopyta tamniši agrosalon 109 278 ludźi, naj­wjace to po lěće 2005 a porno lońšemu 90 000 zajimcow wjace. 550 wustajerjow prezentowaše na přehladce nowosće ze swěta kombajnow, traktorow a druhich modernych agrarnych nastrojow. Wobšěrnje pokazowachu so postupy w cyrobiznowym přemysle. Tež zahrodnistwo a hońtwjerstwo běštej wažnej wobstatkaj wustajenišća. Jeho jednaćel Václav Polan zwurazni, zo bu nowy koncept „dožiwjene ratarstwo“ wot wopytowarjow derje přiwzaty. Na zahajenju agrosalona wobdźělichu so prezident Miloš Zeman,­ jeho předchadnik Václav Klaus a minister za ratarstwo Marian Jurečka.

Veröffentlicht in Słowjanski wukraj
Bitte anmelden, um einen Kommentar zu posten

Serbska debata

Neuheiten LND