Dobra nalada knježeše we wubrankomaj Serbowkow a Retoromankow minjeny kónc tydźenja na koparskej turněradźe w Crap Griesu. Byrnjež serbske hrajerki pjatkowny duel přećiwo Retoromankam z 5:0 za sebje rozsudźili, zhromadne foto před wul kotnej kulisu šwicarskich Alpow bě samozrozumliwe. Foto: Jörg Stephan
Serbska koparska wubranka žonow je so wčera ze Šwicarskeje nawróćiła. Tam bě z 19 hrajerkami, z trenarjom Pětrom Bejmakom a mustwowym nawodu Handrijom Rachelu wobdźělena na małym turněrje ze štyrjomi cyłkami (dwaj žónskej, dwaj muskej) w kantonje Graubünden.