Wubědźuje dumperow
Njedźelu pokročuja z dumperowymi wubědźowanjemi we wobłuku Němskich dumperowych mišterstwow (DDM). Zarjadowar a wuhotowar budźe Dumperowy klub Baćoń. Techniske přepruwowanje budźe w Baćonju njedźelu wot 9 do 11 hodź., kwalifikaciske běhi wot 11 do 12 hodź., hódnoćenske běhi wot 14 hodź. a mytowanje dobyćerjow wot 16.30 hodź. Dalše terminy DDM:
07.08. 13:00 Hórki
27.08. 14:00 Bad Freienwalde
03.09. 20:00 Drjowk
Supercup bjez Njebjelčanow
Sportowa jednotka Njebjelčicy budźe njedźelu, 24. julija w Njebjelčicach hosćićel 5. serbskeho supercupa. Wot 14:30 hodź. wuhraja prěni połfinale, wot 15:25 hodź. dalši semifinale. Hra wo třeće městno budźe so wokoło 16.25 hodź. započinać, finale wokoło 17.25 hodź. Zastup w Njebjelčicach zběrać njebudu. Wobdźělić smědźa so lětsa cyłki ST 1922 Radwor, SJ Chrósćicy 1981, ST Marijina hwězda a Sokoła Ralbicy/Hórki. Mustwo SJ Njebjelčic wusadźi, dokelž bě loni štwórte městno wobsadźiło. Połfinalnej partiji wulosować chcedźa zamołwići lětsa wokoło 14 hodź. na městnje w Njebjelčicach.
Dalše testowe koparske hry
08.07. 18:30 Biskopičanske KT –
Radebeulski BC
09.07. 15:00 Wulka Dubrawa – Budissa Budyšin