Nysa Wolejsy –

ST Viktoria Worklecy 0:3

(14:25, 14:25, 20:25)

Za prěnje zastupnistwo hrajachu: Majka Dźisławkec, Diana Hajnec, Marta Handrikec, Klara Kralec, Magdalena Pilzec, Sarah Šnablec, Emma Šustrec, Hannah Šustrec a Jana Žurowa; trenarka: Daniela Kralec

Na nachwatansku hru bě sej prěnje zastupnistwo žonow Viktorije Worklecy do Rychbacha dojěło.

Započatk prěnjeje sadźby bě wurunany. Wobě mustwje dypkowaštej přez swójske kaž tež wot přećiwnika zawinowane zmylki. Dźak sylnej seriji nadaćow pak so Worklečankam poněčim poradźi, sej komfortabelny předskok dźesać dypkow wuhrać. Přećiwnik bě nuzowany wo přestawku prosyć. Tola to Worklečanki z koncepta njepřinjese. Při dypkowym stawje 21:9 prošachu hosćo wo krótke přetorhnjenje. W kónčnej fazy prěnjeje sadźby sej mustwje wospjet prawo na nadaće tam a sem dawaštej. Naposledk hosćo sadźbu jasnje 25:14 dobychu.