FC Łužica –

ST 1922 Radwor 2:2 (0:0)

Zestawa hosći: Sende – B. Grubert, M. Grubert, Schäfer, Wjeńka, Hetaš (84. Buša), L. Pěčak (75. J. Pěčak), Paška (37. Hančik), Wencel (90. Lawka), Glücklich, Dźisławk

Wonkownu hru přećiwo FC Łužicy w Nadróznej Hrabowce chcychu Radworscy koparjo skónčnje dobyć. Hladajo na tabulku zetkaštej so mustwje na samsnej runinje w delnjej połojcy přehladki. Wonkowne wuměnjenja duel chětro poćežowachu. Dokelž na hłownym hrajnišću w Nadróznej Hrabowce hrać njesmědźachu, so partija na pódlanskim sportnišću přewjedźe, kotrež bu w běhu hry přiběrajcy mjechše a mjechše.

Prěni połčas bě wurunany. Wobě mustwje měještej jednotliwe šansy za wrota, při čimž hosćićeljo cyłkownje trochu strašnišo skutkowachu. Přiwšěm wosta hra wosebje wot dwubojow a małych přetorhnjenjow charakterizowana. Jasne šansy na wrota běchu rědke, tak zo dźěše z 0:0 do přestawki.