Waldemar Hartmann we Łužicy

Montag, 19. August 2019
Artikel bewerten
(0 Stimmen)
Znaty sportowy reporter Waldemar Hartmann bě njedawno we Łužicy. Hans peter Benad (wotpr.) je so z nim rozmołwjał. Foto: Hanspeter Benad Znaty sportowy reporter Waldemar Hartmann bě njedawno we Łužicy. Hans peter Benad (wotpr.) je so z nim rozmołwjał. Foto: Hanspeter Benad

W socialnych syćach bě njedawno čitać, zo je znaty sportowy moderator Waldemar Hartmann we Łužicy był. Budyskeho sportoweho reportera Hanspetera Benada smy wo to prosyli, so Hartmanna za přičinami jeho wopyta prašeć.

Knježe Hartmanno, što je Was do Wojerec wjedło?

W. Hartmann: Sym z Christianom Hartmannom, předsydu frakcije CDU w krajnym sejmje, na wólbnowabjenskej turje w Sakskej. Jedna stacija bě město Wojerecy. Běch překwapjeny, zo su tam tež zastupnicy strony AfD rěčeli, a to ze znatymi argumentami. A to bě přičina, zo za CDU wabju. Sakskej njepomhaja ći na lěwym abo prawym křidle, Sakskej pomha Michael Kretschmer jako srjedźny nadběhowar, zo by wólby dobył.

Powěda so, zo přećehnjeće do Lipska?

W. Hartmann: To trjechi, po štyrjoch lětach w Berlinje je mi stolica přehektiska, agresiwna a chaotiska. To dopomnich so na Lipsk, na město, w kotrymž sym wot 2009 do 2012 za telewizijne wusyłanje ARD „Waldis Club“ na Bayerskim dwórnišću moderěrował. Tam zeznach jara přećelnych ludźi a bajkojte stare město. Spěšnje sym tež bydlenje po našim słodźe w centrumje namakał.

Veröffentlicht in Sport
Bitte anmelden, um einen Kommentar zu posten

Anzeige