To a tamne (06.01.20)

Montag, 06. Januar 2020
Artikel bewerten
(0 Stimmen)

Wo titul swětoweho mištra w mjetanju hodownych štomow su so wčera w pfalcskim Weidenthalu wubědźowali. Wobdźělnicy su w třoch disciplinach nastupili: Tak dyrbjachu 1,50 metrow wysoki štom kaž hlebiju mjetać, jón kaž hamor wjerhać a přez wysokoskokowu łatu ćisnyć. Sta ludźi spektaklej přihladowachu. Městny koparski klub Wackerm je zarjadowanje we wsy z 2 000 wobydlerjemi mjeztym 14. króć zarjadował.

Milinu nadróžneje lampy je šofer nakładneho awta wužiwał, zo móhł w swojej kabinje telewiziju hladać. Policistam napadny wčera rano na přemysłownišću w durinskim Nohra kabl, kotryž wjedźeše wot sćežora lampy do kabiny Lkw-ja. 39lětny šofer dyrbješe chcyjo nochcyjo přiznać, zo bě sej milinu přiswojił. Za to trěbne techniske nastroje měješe w awće. Na njeho wšak čaka nětko chłostanje.

Veröffentlicht in To a tamne
Bitte anmelden, um einen Kommentar zu posten

Anzeige