Prěnje wuspěchi němskich olympionikow w Pekingu

Montag, 07. Februar 2022
Artikel bewerten
(0 Stimmen)
Denise Herrmann je dźensa w Pekingu w biatlonje po 15 kilometrach jednotliwčow druhu złotu medalju za Němsku dobyła.  Foto: pa/Hendrik Schmidt Denise Herrmann je dźensa w Pekingu w biatlonje po 15 kilometrach jednotliwčow druhu złotu medalju za Němsku dobyła. Foto: pa/Hendrik Schmidt

Peking (JBo/SN). Spěšnosankowar Johannes Ludwig, pochadźacy z durinskeho Suhla, je sej wčera prěnju złotu medalju za Němsku pola Olympiskich zymskich hrow w Pekingu zdobył. Z kónčnym časom 3:48:735 min. bě Ludwig cyłkownje 0,16 sekundow spěšniši hač Awstričan Wolfgang Kindl a 0,951 sekundow hač Italčan Dominik Fischnaller. Dalši němski wubědźowar Felix Loch bu štwórty. W sněhakowarskim skakanju muži wudoby sebi Japančan Ryoyju Kobayashi ze skokami 104,5 a 99,5 metrami złoto. Najlěpši Němc běše Constantin Schmid na jědnatym městnje. Na distancy 5 000 metrow nastaji spěšnosněhakowar Nils van der Poel wčera nowy olympiski rekord. Šweda bě po 6:08:840 min. cilowu liniju překročił. Rusa Alexander Bolšunow ­wudoby sebi prěnje městno w ski­atlonje na čarje 30 km, z časom 1:16:09,8 hodź. W disciplinje ski-freestyla běše 23lětna Awstralčanka Jakara Anthony najlěpša.

Veröffentlicht in Sport

Galerie

dalši wobraz (1)
Bitte anmelden, um einen Kommentar zu posten

Serbska debata

Neuheiten LND