Kśišow a Choćebuz w finalu wo krajny pokal

Montag, 28. März 2022
Artikel bewerten
(0 Stimmen)
 Trělc k 2:0 Erik Engelhardt (naprawo, FC Energija) přesćehnje w tutej scenje Janne Sietana (SV Babelsberg).  Foto: Georg Zielonkowski Trělc k 2:0 Erik Engelhardt (naprawo, FC Energija) přesćehnje w tutej scenje Janne Sietana (SV Babelsberg). Foto: Georg Zielonkowski

FC Energija Choćebuz – SV Babelsberg 03 2:0 (2:0)

Zestawa domjacych: Stahl – Hasse, Böhmert, Hildebrandt, Borgmann, Erlbeck, Eisenhuth, Geisler (78. Juckel), Proničew (63. Mäder), Zografakis (90. Kremer), Engelhardt

slěd wrotow: 1:0 Zografakis (30.), 2:0 Engelhardt (36.)

FC Energija Choćebuz je z 2:0 wuspěchom přećiwo mustwu regionalneho ligista­ SV Babelsberg 03 krajne pokalne finale Braniborskeje docpěła. To samsne poradźi so koparskemu cyłkej VfB Kśišow. Zastupjer wyšeje ligi-juh ze wsy w gmejnje Gołkojce, něhdźe 12 kilometrow wot stadiona FCE zdalena, přesadźi so tež z 2:0 přećiwo MSV Neuruppinej z wyšeje ligi-sewjer. Tak wuhrajetej susodaj 21. meje finale wo krajny pokal.

FC Energija prezentowaše w prěnim połčasu najlěpšu hru w minjenych tydźenjach a nawjedowaše z 2:0. Šansy za wyši mjezywuslědk do přestawki nastachu mnohe, tak zo njetrjebaše so přiwisk FC Energije wo zaćah do finala starosćić. Tola po přestawce nasta před 4 200 přihladowarjemi runohódna hra. Škit hosćićela pak swójske wrota wuběrnje škitaše.

VfB Kśišow – MSV Neuruppin 2:0 (2:0)

Veröffentlicht in Sport
Bitte anmelden, um einen Kommentar zu posten

Anzeige