Na běhach rjane wuspěchi žnjeli

Donnerstag, 06. Oktober 2022
Artikel bewerten
(0 Stimmen)
 Roman Měrćink z Baćonja Foće: Jörg Stephan Roman Měrćink z Baćonja Foće: Jörg Stephan

Při njedawnym 12. Połčničanskim strowotniskim běhu su so sportowcy na distancach 0,8 km, 2 km, 5 km a 10 km wubědźili. Mjez běharjemi wojowachu lu­bowarjo walkinga na pjećkilometerskej čarje sobu. Atleća běchu hłownje ze Sakskeje a tež z Braniborskeje. Horstka ­serbskich lubowarjow běhanja je znowa startowała, mjez nimi wosebje tući, kotrymž so wjedrowe poměry dny do toho we Wopakej docyła spodobali njeběchu.

Start a cil wšitkich běhow běštej njepo­srědnje za kliniku Schwedenstein zapołoženej. Jednotliwe distancy běchu kołowe čary. Do startowych lisćin bě so 322 běharjow zapisało.

Na 0,8 km (58 w cilu) běštaj dobyćerjej Leo Wonneberger z Połčnicy (3:16 min) a Valentina Holdenhauer z Großröhrsdorfa (3:15 min). Wobaj startowaštej w starobnej klasy U10. Serbski šuler ­Lukaš Čórlich z Němcow přisłuša hišće U8 a wobsadźi wosme městno w tutej skupinje (4:09 min). W U10 běše jeho starši bratr Daniel Čórlich jako pjaty po 3:23 min. w cilu a Rosalie Berger z Budyšina docpě 9. městno z 3:59 min.

Veröffentlicht in Sport

Galerie

dalši wobraz (1) Jakub Čórlich z Němcow
Bitte anmelden, um einen Kommentar zu posten

Serbska debata

Neuheiten LND