Budyšin (SN/jm). W sprjewinym měsće su wčera lětuši Budyski tydźeń šacha zahajili. Prěni event běše w Centeru na Žitnych wikach simultany šach přećiwo mjezynarodnemu mištrej Wadimej Černowej z Rumunskeje. Při simultanym šachu hraje profi runočasnje přećiwo wjacorym přećiwnikam; ćehnje a poda so potom w kole dale přeco k přichodnemu hrajerjej. Černow je tuchwilu w lisćinje najlěpšich šachownikow swěta na poziciji 1 864 zaměstnjeny. Jeho wužadać smědźachu wšitcy, kiž su lóšt a zmužitosć měli. Dźěći a młodostni z Budyskeho šachoweho zjednoćenstwa su přećiwo mjezynarodnemu mištrej hrali, ale tež pasanća, kotřiž su „cyle jednorje wjeselo nad tym“ měli. Do turněra su samo hišće nimoducy pasantow w „Korniju“ nawabili sobu hrać.