Bychu-li we wokrjesnej klasy titul nazymskeho mištra pomjenowali, potom by wón Viktoria Worklecy rěkał. Tydźenja sobotu bě třeće mustwo ST Viktorije Worklecy na třećim hrajnym dnju prěnjeje połserije přećiwo SC Wojerecam I a Módro-běłym Wojerecy V nastupiło.

Viktoria Worklecy III –

SC Wojerecy I 2:0 (28:26, 25:13)

Prěnje mustwo Wojerowskeho SC zahaji hru jara koncentrowane. Wosebje z nadaćemi wysoko zrosćeneho nowopřichada mějachu Viktorianojo wulke ćeže. A prjedy­ hač wotućichu, mějachu poprawom faworizowani Worklečenjo šěsć dypkow zastatka. Bohužel njemějachu tež wšitcy hrajerjo ST Viktorije trěbne stoprocentne bojowniske nastajenje, zo bychu hru zwjertnyć móhli. Tuž bě při stawje 19:22 z wida Worklečanow sadźba poprawom hižo zhubjena. Tola nadobo so rutinjejojo w serbskim mustwje hišće raz zhrabachu a ze spektakularnymi wobaranskimi akcijemi a sylnymi nadběhami zastatk do dobyća 28:26 přeměnichu.