„Njebych ničo druhe činić chcył“

Freitag, 28. April 2017
Artikel bewerten
(0 Stimmen)
Dźiwadźelnik Tomaš Cyž je minjene 30 lět w něhdźe 80 rólach na jewišću Budyskeho NSLDź stał. Foto: Alfons Wićaz Dźiwadźelnik Tomaš Cyž je minjene 30 lět w něhdźe 80 rólach na jewišću Budyskeho NSLDź stał. Foto: Alfons Wićaz

Na wopyće pola dźiwadźelnika Tomaša Cyža w Budyšinje

Wón ma něšto gentlemanskeho na sebi. Wustupuje přećelnje, suwerenje a jara zdwórliwje. Tajkeho dožiwjam Tomaša Cyža, 50lětneho hrajerja Budyskeho Němsko-Serbskeho ludoweho dźiwadła.

Sym pola njeho doma na wopyće. „Tu je znaty serbski rěčespytnik prof. Arnošt Muka swoje poslednje žiwjenske lěta bydlił“, wot njeho zhonju. Mam zaćišć, zo dźiwadźelnik tónle fakt za sebje jako narok bjerje. Chce tež ze swojim skutkowanjom na jewišćowych deskach serbskej rěči wažnosć a wuznam spožčić, jeje rjanosće zwuraznjenja sposrědkować. Spó­znawam to hižo na jeho fonetice, na jasnje rěčanej serbšćinje, kotraž sonorisce, z baritonowym hłosom přijomnje klinči.

Veröffentlicht in Kultura & wuměłstwo
Bitte anmelden, um einen Kommentar zu posten

Anzeige