Zwony na hudźbnym swjedźenju sobu zapřijate

Freitag, 20. Juli 2018
Artikel bewerten
(0 Stimmen)
Orchester, chór a solisća SLA su Jurja Pilkowu ludowu operetu „Smjertnica“ zhromadnje z chórom Meja w Smochćicach předstajili. Foto: Feliks Haza Orchester, chór a solisća SLA su Jurja Pilkowu ludowu operetu „Smjertnica“ zhromadnje z chórom Meja w Smochćicach předstajili. Foto: Feliks Haza

Wosrjedź smažnika, dokładnje wot 15. do 17. junija, stej towarstwo „Via Regia­ – Hudźbne eventy“ a Serbski ludowy ansambl mjeztym hižo 14. Smoch­čanski hudźbny swjedźeń pod hołym njebjom na dworje Domu biskopa Bena wuhotowałoj. Dohromady je něhdźe 1 000 ludźi cyłkownje tři koncerty tři­dnjowskeho zarjadowanja wopytało.

Pod hesłom „Tam, hdźež tón měsačk swěći“ su pjatk a sobotu orchester, balet a solisća SLA kaž tež hudźbnicy Liberecskeho dźiwadła, sopranistka Rahel Indermauer a šulerjej Budyskeje wokrjesneje hudźbneje šule Jonas Löschau (spěw) a Georg-Wilhelm Jatzke (pozawna) jako hosćo pod nawodom Tassa Schilleho pisany wěnc znatych melodijow skerje lochkeho razu předstajili. Wot wujimkow operetow, mjez druhim Izaaka Osipowiča Dunajewskeho, Paula Linckeho a Emmericha Kálmána, přez romantiske spěwy Roberta Schumanna a Franza Schuberta hač k modernym zynkam Andrewa Lloyda Webbera a Van Morrisona bě nimale kóždy žanr minjenych třoch lětstotkow zastupjeny.

Veröffentlicht in Kultura & wuměłstwo
Bitte anmelden, um einen Kommentar zu posten

Anzeige