Braniborska serbska rada prosy medije wo wjace sensibelnosće za rěč

Podstupim (SN/CoR). Braniborska Rada za naležnosće Serbow je wčera na zjawnym posedźenju jednohłósnje namjetej nowelěrowaneho serbskeho šulskeho postajenja přihłosowała. „Je mi wosobinska naležnosć, so tu dźensa wšitkim dźakować, kotřiž su w minjenymaj legislaturnymaj periodomaj na postajenju sobu dźěłali. Wšitke přeća njejsmy wobkedźbować móhli, nowela pak njeje zakónčenje, ale dalši stołpik na zhromadnym puću. Chcemy přichodnje dale prawidłownje hromadźe wuradźować“, podšmórny braniborska ministerka za kubłanje, młodźinu a sport Britta Ernst (SPD). „Postajenje zaruča načasny zakład za posrědkowanje delnjoserbšćiny wot 1. šulskeho lětnika hač k maturje. Naš hłowny cil je nětko, wjace zajimcow za wukubłanje na wučerja zdobyć“, wu­zběhny předsydka rady Kathrin Šwjelina.