Berlin (dpa/SN). Frank-Walter Steinmeier wostanje němski zwjazkowy prezident. Zwjazkowa zhromadźizna je 66lětneho wčera z přemóžacej wjetšinu hnydom w prěnim wólbnym přeběhu w zastojnstwje wobkrućiła. Steinmeier, kotrehož běchu amplowa koalicija SPD, Zelenych a FDP a unija CDU/CSU nominowali, dósta 73 procentow hłosow. Tamni kandidaća wostachu kaž wočakowane bjez šansy.
Biden telefonuje ze Zelenskim
Washington (dpa/SN). Po swojim telefonaće z ruskim prezidentom Wladimirom Putinom chcyše prezident USA Joe Biden dźensa hišće z ukrainskim prezidentom Wolodymyrom Zelenskim rěčeć. Telefonat měješe so w popołdnišich hodźinach wotměć, kaž Běły dom zdźěli. Biden bě sobotu z Putinom telefonował a jeho před inwaziju na Ukrainje warnował. Putin Bidenej wospjet potwjerdźi, zo nima Ruska wotpohlad, Ukrainu nadpadnyć.
K domej Kretschmanna chcyli
