Směrnicy za spěchowanski program wot dźensnišeho płaćiwe
Budyšin (SN/JaW). Załožba za serbski lud přewozmje nošerstwo naprawy Swobodneho stata Sakskeje „Serbski forum wědy při Lawskim arealu“ w Budyšinje. To je rada Załožby za serbski lud na swojim wčerawšim online-posedźenju wobzamknyła, kaž załožba w nowinskej zdźělence pisa. Zdobom ma direktor załožby Jan Budar gremij prawidłownje wo postupach a měznikach twarskeho předewzaća w centrumje sprjewineho města, w kotrymž matej Serbski institut ze Serbskim kulturnym archiwom a Serbskej centralnej biblioteku kaž tež Serbski muzej swój nowy domicil dóstać, informować. Radźićeljo z toho wuchadźeja, zo skići swobodny stat załožbje w kóždej fazy planowanja a zwoprawdźenja 44,5 milionow eurow droheho projekta trěbnu podpěru.
