Tež po tym zo je FC Energija Choćebuz postup do druheje koparskeje ligi Němskeje skomdźiła a w třećej lize zwostanje, so w kadrje Delnjołužičanow personalny karusel sylnje wjerći. Po njesławnym wotchadźe Maksimiliana Kraußa su dalši hrajerjo towarstwo wopušćili. Hłownje jedna so při tym wo hrajerjow, kotrychž zrěčenja su kónc junija kónčili. Su to Maksimilian Proničew, Jannik Möker abo Karl Pischon, kotryž póńdźe k VFC Plauen. Njejasne dale je, što so z Filipom Kusićom a Nikom Bretschneiderom stanje.