SC Freital –

Viktoria Worklecy 0:3

(21:25, 26:28, 13:25)

Za štwórtu hru lětušeje sezony běchu sej wolejbulisća prěnjeho wolejbuloweho mustwa Viktorije Worklecy tydźenja do Freitala dojěli. Hrě SC Freitala přećiwo TSV Seifersdorfej a Worklečanam měještej so poprawom přestorčić. Zhromadny termin, kotryž by so wšitkim mustwam hodźał, pak njeje so namakał. Tuž běchu poprawom sylni hosćićeljo z minimalnej wobsadku zastupjeni. Hosćom z Łužicy na tamnym boku steješe hnydom jědnaće hrajerjow k dispoziciji.