Lubi čitarjo sportoweje kolumny, spominam dźensa na wulkotneho koparja, kiž je jara młody žiwjenje přisadźił.

21. awgusta 1937 narodźi so w Jendźelskej Duncan Edwards. Wot lěta 1952 hraješe wón w młodźinskim mustwje sławneho kluba Manchester United. Wot 1955 do 1957 bě 18 razow za jendźelske narodne mustwo zasadźeny. Wusahowacaj hrajerjej koparskeho kluba Manchester United, kotryž tehdy Matt Busby trenowaše, běštaj Duncan Edwards a Bobby Charlton. Z nimaj chcyše Jendźelska 1958 w Šwedskej wo swětowe mišterstwo wojować.