Chróšćanska SJ ze zastupowacymaj předsydomaj

Montag, 17. Juni 2019
Artikel bewerten
(0 Stimmen)

Zamołwići Sportoweje jednotki Chró­sći­­cy přewjedźechu njedawno swoju lětnu hłownu zhromadźiznu. Zwjazali su ju tónkróć z nowowólbami předsydstwa.

Prezident Jurij Kokla witaše tójšto sobustawow do „Jednoty“. Po tym bilancowaše jednaćel Tadej Cyž dźěło minjenych třoch lět a pokaza na spomóžne dalewuwiće towarstwa.

Zwjeselace je, zo móže so SJC ze swo­jimi 150 čłonami po wukonach z tam­nymi jednotkami w Zapadołužiskim koparskim zwjazku měrić. Prěnje koparske mustwo hižo tři lěta w krajnej klasy hraje, druhe mustwo je wokrjesnu ligu dźeržało a pola koparskeho dorosta je widźomne stopnjowanje spóznajomne. W sekciji lochkoatletika stej to žonje Klawdija Hejdušcyna a Marija Škodźina, kotrejž docpěštej jako běharce na dalokich distancach wurjadne zaměstnjenja. Tež wolejbulisća SJC pilnje trenuja a so na turněrach w blišej wokolinje wobdźěleja. Tak na přikład dźensa wječor we Worklecach.

Špatny je staw trawnika na małym pódlanskim hrajnišću. Tu pak planuja dalši projekt popryskanja z wodu.

Veröffentlicht in Sport
Bitte anmelden, um einen Kommentar zu posten

Serbska debata

Neuheiten LND