Sokoł Ralbicy/Hórki – Budissa Budyšin, młodźina A 4:0 (2:0)
Za Sokoł zasadźeni: Schöne – Materna, Wałda, Šewc, Šiman, Domaška, Kurjat, Ćěsla, Janca, Kobalc, Budar, Nuk, Šołta, Gloxyn, Bjeńš, Hrjehor, Rawš, Wowčerk, Schultz
K poslednjej přihotowanskej hrě běchu sej koparjo Sokoła Ralbicy/Hórki młodźinu A ze sprjewineho města přeprosyli. Młodźina A w krajnej lize za bulom honi a ma po móžnosći tež jónu prěnje mustwo zesylnić. W jeje rjadach hraje na přikład tež syn trenarja Serbskeje koparskeje wubranki muži Niclas Ričel.