Koronakriza nas dale a bóle zaběra. oWot dźensnišeho mamy so znowa na krućiše postajenja zwučić. Za nowember płaćao wobšěrne wobmjezowanja w nimale wšitkich žiwjenskich wobłukach, tež w sporće. Ze zmužitosću, nadźiju a sćerpliwosću budźemy tež tutón čas přetrać. Štož tučasnje docyła njetrjebamy, je rozšěrjenje stracha, paniki a wopačnych informacijow. To skerje swójby, přećelske kruhi a ludnosć rozpači. Aktiwna a hibićiwa diskusija je přeco a wšudźe trěbna, ale prošu na fairnym niwowje. Jenož­ potom nastanu kreatiwne a dobre wuslědki, po kotrychž hodźi so jednać.