Stawizny kopańcy w Pančicach-Kukowje

Dienstag, 12. Oktober 2021
Artikel bewerten
(0 Stimmen)
Pančičanscy koparjo kónc 1950tych lět: stejo wotlěwa Willy Skatula (nazwučowar), Rainer Hentzschel, Feliks Hejduška, Jurij Pjekar, Alojs Šwon, Franz Böhnig, Werner Schulze (nawoda sekcije); srjedźa wotlěwa Siegfried Wahlicht, Jurij Wahlicht, Rudolf Mark; prědku wotlěwa Konrad Šnajder, Gerhard Richter, Anton Šwon Pančičanscy koparjo kónc 1950tych lět: stejo wotlěwa Willy Skatula (nazwučowar), Rainer Hentzschel, Feliks Hejduška, Jurij Pjekar, Alojs Šwon, Franz Böhnig, Werner Schulze (nawoda sekcije); srjedźa wotlěwa Siegfried Wahlicht, Jurij Wahlicht, Rudolf Mark; prědku wotlěwa Konrad Šnajder, Gerhard Richter, Anton Šwon

Dopomnjenki na spočatki honjeńcy za bulom hač do towaršnostneho přewróta (2. dźěl)

b.) 1950 do 1960

Dokelž hodźeše so spočatk 1950tych lět dale jenož (prowizoriske) kopanišćo při młodowni wužiwać, nasrěbachu sej mužojo a młodźina wosebje w přećelskich hrach z SJ Hórki dalše sebjewědomje. Młodźina přěhra 1954 na přikład z 0:5, ale lěto pozdźišo Hórčenjo jeno z 1:0 snadnje dobychu. Najlěpši wuslědk muži bě njerozsudne 4:4.

W lětach 1951 do 1959 bě Bruno Richter předsyda Pančičanskich koparjow. W tej dobje nasta na městnje dźensni­šeho twjerdeho nowe hrajnišćo. Ze za­palom poda so muske mustwo w sezonje 1954/1955 do dypkowych hrow. Naj­lěpše zaměstnjenje poradźi so w 2. wo­krjesnej klasy 1956 z třećim městnom. Na­čolnik SJ Hórki postupi w samsnym lěće do 1. wokrjesneje klasy. Samsne lěto pak so traktoristam sensacija zešlachći: na Serbskim sportowym zjězdźe w Ra­dworju dobychu pokalne fina­le z 1:0 přeći­wo Hórčanam, jako Jan Hicka hižo w prěnich mjeńšinach „złote“ wrota třě­li.­ W młodźinskej stafli mjenowaneje sezo­ny Hórčanski dorost z 45:6 wrotami a 18:2 dypkami jasnje dominowaše, mjez­tym zo zabrachu „klóšterscy“ 6. městno (17:28 resp. 9:11).

Veröffentlicht in Sport

Galerie

dalši wobraz (1) Mustwo w sezonje 1962/1963: zady wotlěwa Konrad Šnajder, Jurij Cyž, Jurij Wahlicht, Rudij Rjenč, Jan Cyž, Gerhard Richter; prědku wotlěwa Horst Daleska, Siegfried Mißbach, Jurij Bulank, Anton Šwon, Siegfried Skatula
dalši wobraz (2) Pokalny dobyćer 1956: zady wotlěwa Jan Hicka, Heinz Richter, Alfons Kuring, Jan Bryl, Rudolf Mark, Pawoł Nowak, Anton Šwon; prědku wotlěwa Jurij Wahlicht, Benno Zschoch, Jurij Rab, Gerhard Richter z archiwa Antona Šwona
foto 9: Sezona 1964/1965: zady wotlěwa Siegfried Wahlicht, Beno Kilank, Konrad Šnajder, Rudij Rjenč, Horst Daleska; prědku wotlěwa Jan Cyž, Feliks Hejduška, Jurij Cyž, Norbert Rjewjerk, Anton Šwon, Eberhard Köplin
Bitte anmelden, um einen Kommentar zu posten

Serbska debata

Neuheiten LND