Worklečanki dale na čole tabulki

Donnerstag, 11. November 2021
Artikel bewerten
(0 Stimmen)
Kaž na wobrazu njedawno doma we Worklecach su so wolejbulistki Viktorije tež we Wojerecach nad dobyćom wjeselili. Po štyrjoch hrach a štyrjoch dobyćach steji mustwo we wobwodnej lize wuchodneje Sakskeje na prěnim městnje.  Foto: Jörg Stephan Kaž na wobrazu njedawno doma we Worklecach su so wolejbulistki Viktorije tež we Wojerecach nad dobyćom wjeselili. Po štyrjoch hrach a štyrjoch dobyćach steji mustwo we wobwodnej lize wuchodneje Sakskeje na prěnim městnje. Foto: Jörg Stephan

Tabulka wobwodneje ligi, stafla 2

1. Viktoria Worklecy  4 12 : 2 11

2. ST Kupoj-Nowa Łuka  4 9 : 4 9

3. TSV Kundraćicy 4 11 : 5 9

4. Viktoria Worklecy II 4 6 : 10 4

5. Módro-běłe Wojerecy  4 3 : 11 2

6. VV Žitawa 09 II 4 3 : 12 1


Prěnje zastupnistwo wolejbulistkow Viktorije Worklecy poda so minjenu sobo­tu do ćěłozwučowarnje Lessingoweho gymnazija we Wojerecach. Tam nastupi prěni přećiwo druhemu tabulki. Hosćom njebě tón kónc tydźenja tre­na­r poboku, tuž mějachu Worklečanki čoło tabulki same zakitować.

ST Kupoj-Nowa Łuka – Viktoria Worklecy 0:3 (10:25, 17:25, 14:25)

Za prěnje zastupnistwo Viktorije Worklecy zasadźene běchu: Anja Biela, ­Johanna Fieglerec, Marina Köhlerowa, Stefanie Köhlerowa, Jana Kralec, Jennifer Otto­, Rejzka Rawšec, Anita Salowskec.

Započatk bě drje wurunany, poněčim pak móžachu Worklečanki swój jasny předskok natwarić. To poradźi so jim wosebje ze sylnej seriju nadaćow. Kupoj-Nowa Łuka měješe ćeže z tym wobchadźeć. Tuž njebě jim móžno nadběhi prawje natwarjeć. Tež přetorhnjenje při 4:8 a 4:16 tomu njepolěkowaše. Hosćo w swojim rytmusu dale hrajachu a zawěsćichu sej prěnju sadźbu z jasnym 25:10.

Veröffentlicht in Sport
Bitte anmelden, um einen Kommentar zu posten

Anzeige