„Swobodny duch“ Łužičanow na pjate městno přinjesł

Dienstag, 16. November 2021
Artikel bewerten
(0 Stimmen)
 Muž dnja Maksimilian Proničew je w Lipsku dwójce trjechił.  Foto:  Georg Zielonkowski  Muž dnja Maksimilian Proničew je w Lipsku dwójce trjechił. Foto: Georg Zielonkowski

1.FC Lok Lipsk –

FC Energija Choćebuz 1:3 (0:2)

Zestawa hosći: Stahl – Hasse, Hildebrandt, Eisenhuth, Borgmann, Kujović (90.+3. Wagner), Erlbeck, Proničew (89. Mäder), Badu (89. Geisler), Engelhardt (90.+3 Harz), Zografakis (78. Schulz)

Cyle suwerena wopokaza so FC Ener­gija při nachwatanskej hrě w Lipsku. Z wulkim běhanskim pensumom su Łužičenjo 1. FC Lok daloko do jich połojcy stłóčili a zas a zaso rjane kombinacije pokazali. Tak nastachu wšitke wrota hosći po wulkotnych zhromadnych hrajnych akcijach. 0:1 (26.) třěli Maksimilian Proničew, 0:2 (43.) Nikos Zografakis a 1:3 (77.) wospjet Proničew.

Lipšćanam poradźichu so srjedź druheho połčasa čestne wrota. Jonas Hildebrandt bě bul njezbožownje pozdźišemu třělcej Djamalej Zianje přihrał (66.). Na hrajnym koncepće FC Energije pak so ničo­ njezměni. Wšitcy koparjo běchu zwólniwi rumy wobsadźeć. Młody Arnel Kujović w srjedźnym polu a Erik Engelhardt jako rozdźěler bulow w nadběhu pokazaštaj jara dobry wukon. Muž dnja pak bě Proničew ze swojimi wrotami čisło­ wosom a dźewjeć. Nimo toho bě wón tajke něšto kaž křižnišćo w ofensiwnym srjedźnym polu w harmonisce agěrowacym mustwje.

Veröffentlicht in Sport
Bitte anmelden, um einen Kommentar zu posten

Anzeige