Widźał, słyšał, napisał (28.11.22)

Montag, 28. November 2022
Artikel bewerten
(0 Stimmen)
Awtor dźensa Toni RyćerKóžde lěto znowa, ale lětsa zaso trochu hinak. W času delanskeje kermuše hižo někotre lěta pak doma njejsym abo čas za kofej a tykanc nimam. W tutych dnjach je kóždolětnje grandprix we wuchodoaziskim Macauwje, něhdyšej portugalskej koloniji a wot lěta 1999 Chinje přirjadowanej enklawje. Són kóždeho jězdźerja je, so jónu na wubědźowanju we wuskich hasach tutoho eksotiskeho města wobdźělić, pak w awće abo na motorskim. Wosebitosć tutoho wulkeho myta je, zo wubědźuje so we woběmaj kategorijomaj, štož je jónkrótne na swěće. Dožiwich tam wulke wuspěchi, ale tež njesměrne tragedije. Při spektakularnym njezbožu němskeje jězdźerki Sophije Flörsch w kategoriji formula 3 w lěće 2018 mějachu tež němscy stražnicy, kiž běchu runje na městnje njezboža zasadźeni, wulke zbožo. Wěcywustojnje zastarachu młodu jězdźerku njeposrědnje po njezbožu, tak zo wona žane wulke strowotne sćěhi nima a so nětko zaso we wšelakich serijach wubědźuje. Zetkach tam tež jara młodeho Mika, syna motorsportoweje hwězdy Michaela Schumachera.
Veröffentlicht in Widźał, słyšał, napisał
Bitte anmelden, um einen Kommentar zu posten

Anzeige