W němsko-danskim pomjeznym kraju blisko Flensburga přewjedźe so wot 28. junija do 7. julija 2024 zaso Europeada. Po premjerje w lěće 2016 w Južnym Tirolu w Italskej chce so serbska koparska wubranka žonow (skwž) tež klětu na koparskich europskich mišterstwach awtochtonych narodnych mjeńšin wobdźělić. Zo by so mustwo zesylniło a zaso znowa zestajało, bě so sobotu prěni zazběhowy trening respektiwnje turněr w Ralbičanskej sportowni přewjedł. Dohromady 16 holcow a žonow w starobje mjez 13 a 40 lět je přeprošenju sćěhowało a so na treningu wobdźěliło. Hłowny trenar Pětr Bejmak holcy a žony powita a předstaji na započatku zamołwitych a organizatorow kadra. Bejmakej poboku budźe kotrenar Handrij Rachela z Noweje Wjeski, trenarka za wrotarki Jadwiga Richterowa z Worklec a mustwowa nawodnica Franciska Hellnerowa z Noweje Wjeski.
Dobry start za přichodnu koparsku wubranku žonow
Montag, 06. März 2023
2734
E-Paper: Serbske Nowiny 46
-
Schriftgröße
Schriftgröße verkleinern
Schrift vergrößern
Z Janiku Dreßlerowej (srjedźa w čerwjenym pulowru) na čole su holcy a žony do zazběhoweho treninga za přihot na europeadu 2024 startowali. Rodźena Kaščanka budźe Serbske mustwo žonow nawjedować. Na prěnim zetkanju bě so sobotu w Ralbicach 16 koparkow wobdźěliło. Foto: Jörg Stephan
Veröffentlicht in
Sport
Galerie
Jadwiga Richterowa je w teamje Serbskeho mustwa žonow trenarka za wrotarki, Handrij Rachela kotrenar, Pětr Bejmak hłowny trenar, Janika Dreßlerowa kapitanka a Franciska Hellnerowa mustwowa nawodnica (wotlěwa doprawa).
Bitte anmelden, um einen Kommentar zu posten
