Widźał, słyšał, napisał (18.12.23)
Montag, 18. Dezember 2023
177
E-Paper: Serbske Nowiny 243
-
Schriftgröße
Schriftgröße verkleinern
Schrift vergrößern
Awtor dźensa Tomaš FaskaTradicionelnje česća so stajnje krótko do hód – lětsa třeći adwent – w Badensko-Badenskej wusahowace sportowče a sportowcy lěta. Při wčerawšim mytowanju, kotrež hač do pózdnjeje nocy na wobrazowce sćěhowach, steještej biatletka Denise Herrmann-Wick, ćěłozwučowar Lukas Dauser a basketballowe narodne mustwo muži na jewišću w Bénazetowej žurli kuroweho domu Baden-Baden cyle horjeka. Wothłosowanjakmani běchu tónkróć sportowče a sportowcy olympiskeho a perspektiwneho kadera DOSB a DBS kaž tež čłonojo zwjazka Němskich sportowych žurnalistow ze sportowych redakcijow, kotrež ze swojim hłosom mnohe wuspěchi mjeztym wotstupjeneje biatletki Denise Herrmann-Wick honorowachu a 34lětnu jako „sportowču lěta“ wuzwolichu. Jeje muski pendant je swětowy mišter Lukas Dauser, kotrehož złoty wustup bě prěni titul na jeho nastroju po 38 lětach. Tutón wukon bě juroram wuznamjenjenje „Sportowca lěta“ hódny.
Veröffentlicht in
Widźał, słyšał, napisał
Bitte anmelden, um einen Kommentar zu posten
