Widźał, słyšał, napisał (10.06.25)
Dienstag, 10. Juni 2025
144
E-Paper: Serbske Nowiny 109
-
Schriftgröße
Schriftgröße verkleinern
Schrift vergrößern
Mjezynarodny kwartet, wotlěwa Filip Zahálka (Čech), Pius Cyž (stejo, Serb), Skerd Zadelini (Albanjan) a Ignacy Kowalik (Polak) w Kulowje po dobyću krajneho pokala. Foto: Tadej Cyž
Awtor dźensa Jan Hrjehor„Hraje da dźensa tu w Kulowje jedyn Serb sobu?“, so mje serbski koparski sudnik Pascal Budar sobotu popołdnju w Kulowje wopraša. A to z prawom, wšako njeběchu mje krajne pokalne finala sakskeho koparskeho zwjazka dotal wulce zajimowali. „Haj“, jemu wotmołwich, „w rjadach U17 Dynama Drježdźany z čisłom 4 w nutřkownym škiće Pius Cyž z Njebjelčic, bratrowc Tadeja Cyža Njebjelčanskeho a syn Njebjelčanskeho blidarja Tobiasa Cyža, jeli jeho znaješ.“ Serb w rjadach Dynama bě za mnje hłowna a jenička přičina sej do Kulowa dojěć a sej hru, kotruž koparjo U17 Dynama Drježdźany přećiwo teamej U17 Lokomotiwy Lipsk z 3:1 (1:1) dobychu, wobhladać. Wosebje rjenje bě, zo mi Tadej Cyž Njebjelčanski w přestawce přeradźi, zo hraja pola Dynama Polakaj Luca Logiewa a Ignacy Kowalik a čěski duwo Filip Zahálka a Matej Fiala sobu. W druhim połčasu hru z nimale 500 dalšimi přihladowarjemi potom z cyle hinašimaj wočomaj sćěhowach. Nadobo njehraješe tam za mnje hižo U17 Dynamo Drježdźany, ale skerje „U17 Slovan Drježdźany“ abo „U17 Inter Drježdźany“.
Veröffentlicht in
Widźał, słyšał, napisał
Galerie
Bitte anmelden, um einen Kommentar zu posten
