SJ Chrósćicy – TSV Połčnica 2:2 (2:0)

Zestawa SJC: Škoda – Rätze (53. Mark), Dźisławk, Młynk, Zynda, Bjeńš (63. L. Zahrodnik), Hawš, G. Zahrodnik, Bogusz, Šiman (53. Kral-Zahrodnik)

Prěnju njedźelu winowca witachu Chróšćenjo koparjow z Połčnicy. Runja zašłemu tydźenju bě znowa mustwo, kotrež skerje deleka w hrajnej tabulce steji, přećiwnik Chróšćanow. Cyłk SJC chcyše po pózdnim wurunanju zašłeje hry najlěpje połnje dypkować a tak swoje městno w hornim dźělu hrajneje tabulki wobchować. Tola nažel so stawizna wospjetowaše.