FC Energija Choćebuz – MSV Duisburg 3:2 (1:0)
FC Energija Choćebuz: Funk – Straudi, Campulka, Pelivan, Guwara (83. Lucoqui), Ciğerci, Michelbrink, Borgmann, Hannemann (67. Butler/88. Tattermusch), Engelhardt (67. Thiele), Biankadi (83. Duah)
wrota: 1:0 Engelhardt (11.), 2:0 Biankadi (47.), 2:1 Straudi (80./Eigentor), 2:2 Dittgen (90.), 3:2 Ciğerci (90.+5)
FC Energija Choćebuz po 17. hrajnym dnju 3. ligi tabulku nawjeduje! Načolnu hru přećiwo MSV Duisburgej dobychu Łužičenjo w poslednjej sekundźe z 3:2.
Cyle wulku a napjatu kopańcu dožiwichu přihladowarjo na swjateho Mikławša w Choćebuskim LEAG Energijowym stadionje. Na kóncu postara so Tolcay Ciğerci w poslednjej mjeńšinje přidatneho hrajneho časa wo dobyćerske wrota a w rjadach wjace hač 10 000 fanow wo wulkotnu dohodownu euforiju. W poslednich 20 mjeńšinach do wothwizdanja pak dyrbješe so FC Energija chětro přećiwo nadběham hosći wobarać. Po wulkotnym wukonje domjaceho mustwa steješe mjezywuslědk móhłrjec na hłowje.
