Mnohotnosć zaruča wšelakorosć žiwjenja

Donnerstag, 29. August 2019
Artikel bewerten
(0 Stimmen)
Před třomi, štyrjomi lětdźesatkami słušachu kruwy na pastwach k cyle normalnemu wobrazej w našich kónčinach. W běhu lět pak bu tónle napohlad dale a rědši. Mjeztym wšak tež w Hornjej Łužicy zaso dale a wjac kruwow na pastwach wuhladamy, kaž tule na kromje Ralbic. Kruwy na pastwach dźě łukam a pastwišćam tyja a tuž tež čłowje kej.  Foto: SN/Maćij Bulank Před třomi, štyrjomi lětdźesatkami słušachu kruwy na pastwach k cyle normalnemu wobrazej w našich kónčinach. W běhu lět pak bu tónle napohlad dale a rědši. Mjeztym wšak tež w Hornjej Łužicy zaso dale a wjac kruwow na pastwach wuhladamy, kaž tule na kromje Ralbic. Kruwy na pastwach dźě łukam a pastwišćam tyja a tuž tež čłowje kej. Foto: SN/Maćij Bulank

Hišće njeje přepozdźe wotemrěću družin zwěrjatow a rostlin zadźěwać

Wulka mnohotnosć našeje zemje zastaruje nas z cyrobu, kotruž jěmy­, z wodu, kotruž pijemy, a z powětrom, kotryž zadychamy. Dale stara so wona wo njeličomne wokomiki wo­so­binskeje inspiracije, kotruž ludźo do­­žiwjeja, hdyž přebywaja w lěsach abo na ho­rach, hdyž zeznawaja so z rěkami a pobrjohami, ale tež jenož w ćichim wokomiku, hdyž słuchaja na spěw ptačka.

Wopřijeće biodiwersita steji za biologisku diwersitu a wopisuje połnosć a wšelakorosć žiwjenja na swěće. Definicija wopřijima wjace hač jeno zwěrjata a rostliny, kotrež zamóžemy widźeć. Wona saha­ wot móličkich genow a bakterijow přez rostliny a zwěrjata hač k wulkim ekosystemam, kaž stej to na přikład dešćo­wy lěs Amaconasa abo awstralski Great Barrier Reef. To poćežuje biodiwersitu po ličbach wopisać. Hišće ćešo je ju posudźować. Tučasnje znajemy něhdźe 1,5 milionow porjadnje wopisanych družin; wědomostnicy wšak trochuja, zo je jich něhdźe dźesać milionow družin. Skerje pak móhła so jich ličba bližić miliardźe.

Veröffentlicht in Diskusija
Bitte anmelden, um einen Kommentar zu posten

Serbska debata

Neuheiten LND