Tež Budyski wokrjes chce energiju efektiwnje zasadźić a lutować
Budyšin (SN/JK). „Najebać tuchwilne přijomne płaćizny za energiju abo tepjenske maćizny je trjeba hladajo na wobmjezowane resursy zlutniwje z energiju wobchadźeć“, rjekny krajny rada Michael Harig (CDU) jako njedawno energijowy koncept Budyskeho wokrjesa předstaji.
Budyski wokrjes je sej tójšto předewzał hladajo na docpěće narodnych energijowych a klimoškitnych zaměrow. Hižo w lěće 2011 bě sej wokrjes předewzał, podźěl wobnowjomnych energijow na cyłkownej přetrjebje zwyšić.
