Rjemjeslnicy sej temu chudoba w starobje přiběrajcy wuwědomjeja
Budyšin (SN/at). „Powšitkowna nalada w rjemjesle Budyskeho wokrjesa spokoja. Mnohe zawody su dosć derje wućežene.“ Tole zwěsća jednaćelka Budyskeho wokrjesneho rjemjeslnistwa Sabine Gotscha-Schock na naprašowanje Serbskich Nowin nastupajo lońše skutkowanje. Twarske a wutwarske přemysła zepěraja so předewšěm na priwatny bydlenjotwar. Mjenje optimizma knježi po słowach Sabiny Gotscha-Schock we wobłuku wozydłoweho rjemjesła, hdźež su firmownicy samo ličbu sobudźěłaćerjow pomjeńšili. Wšako su inwesticije trěbne. Jednaćelka pak skedźbnja na to, zo je „nalada rjemjeslnikow w susodnych wokrjesach lěpša hač mjez tudyšimi“.
